ما عوفك حبيبي وزحمة آنة انساك ** ولك عمري وحياتي بلا ثمن أهدي
تبقة أنت النبض ليدور بالشريان ** مهما سنين عمري تفوت وتعدي
صدكني من أشوفك أنسة كل الصار** وحتى لون الأسود ينكلب وردي
ما عوفك حبيبي, أقسم برب الكون ** لو كل الشماتة اجمعوا ضدي
تدري شوكت أعوفك وأنسة حبي وياك** وكلك ما أريدك توكف بسدي؟
من يوم المسيح يحارب الدجال ** وتقوم القيامة ويظهر المهدي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
موكلمن فتحلك بابه يهواك
ولا كلمن يكرهك بابه ينسد
اكو مسدود بابه وكلبه مفتوح
وكو مفتوح بابه أو كلبه اسود
اذا طشيت صحبانك على الماي
اثكلهم وفه جواك يركد
وأخففهم يضل طايف على الماي
يروح ويه الجزر ويرجعه المد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لــو نـاسيـك .. احسـن .. يـمكن ارتـاح...؟
بـس صـدگني أموت ..اشمـا يـمر ذكرك...
لأن ..وي روحـي احسك .. أنت عايـش دوم...
واذا .. مـاردت ابـالغ.. روحـي اعتبــرك...؟.
گـتلك.. اخـذ گلبـي .. وروح ويـن اتـريد........
لـتخليه يمـي ..ويـبقـى يـنتظــرك.
عـانـدت ..ومشيـت ..وهـم گلـت معذور....
لأن.. گلـب اليـحبـك ..لازم أيـعـذرك..؟
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــت
نحت وبجيت وبصدري الك ونات
ولو يسمع ونيني الصخر يتفجر
تعال وشوفني بجيت كل الناس
هلكد مااون عليك واتحسر
تعال وشوفني بس حالي اصعب حال
هم تلحك علي لامااظن تكدر
ابشرك ميت انه
وصرت كومه تراب
ولو مدفون احسن عالهجر مكدر
ــــــــــــــــــــــــــــــــــــــــــــــــــــــــــــــــــــــــــــــــ
موضوع: شعر شعبي لمن يهوى 
الأربعاء أغسطس 24, 2011 9:04 pm
