شعر شعبي في سوق العيون

ترست جيوبي هم ورحت للسوك
خلص دمعي ورحت ارد اشتري دموع !!
شفت بياع عارض كومة عيون ...
مستهظم دمعها وصوته مسموع
كتله اسمحلي اكلب كال مرخوص ..
استنكي براحتك شتريد يانوع ؟؟
كتله انته على عرفك شوفلي ثنين ..
تكفيني الدموع البيهن اسبوع
كلي انطيك دمعي ؟! يجدك سنين ..
جربه وشوف اذا موزين .. مرجووووووع
كتله شعايزك ؟؟ وتبيعهن ليش ؟؟
جر حسرة وهمسلي بكلب مفجوع
وكلي الدهر طبع الدهر دولاب
ويجي يوم .. اليبيع يصير .. مبيوع !!
وشفت واحد كباله .. مطلع عيون ..
وعليهن طابع المأساة مطبوع
يلتهبن حزن .. وجفونهن نار ..
واذا حط الثلج .. فوكاهن يموع ؟!
كتله ارجوك كلي عيونمن هاي ؟؟
كلي الناس باعوهن من الجووووع ؟؟
:

عفتهن يبجن وكمت امشي بالسوك ..
وصدفه اسمعت صوت .. من اليبيعون ..
اذا عندك عيون نشوفها نريد..؟
ونزعت عيوني وكاموا يشوفون ؟!
شحال اللي يبيع عيونه للناس ؟؟
ويشوف باعز ما يملك يسومون
المهم كلولي ذني عيونك زغار ؟!!
لابيهن رمش لا بيهن جفوووون ...
اموشل دمعك وما ينفع الناس
الناس بهل وطن يردون يبجون ؟؟
تاااالي اتبرعت بيهن بلا شوف ...
وقف : للناس لورادوا ينوحووون ؟؟!!
وعصرت ضلوعي لمن صارن دموع ..
وسويت الكلب لضلوعي ماعون
واحس العمر خلص والاجل حان ..
واريد اطلب طلب .. من اليدفنون ؟
كبل مايدفنوني .. ويحزن السوك
وكبل ما بالجنازة الناس .. يمشون
بدمع رايدهم يغسلوني مو ماي
واريد يصير كبري
بسوك العيون

مشكوررررررررررررررررررررررررررررر